IL i BUL har hatt handballgruppe og skihopparar. I tillegg har BUL vore ein føregangsklubb både innan kvinnefotball og orientering. I 1981 starta vi også med idrett forpsykisk utviklingshemma.

BUL har med andre ord alltid vore ein klubb for alle! Vi ønskjer eit mangfaldig og spennande miljø, og det har vi i stor grad i dag. Vi har hatt store namn som Ingrid Kristiansen og Khalid Skah i klubben. IL i BUL har vunne Holmenkollstafetten ei rekkje gonger, og har svært gode tradisjonar innafor mellom – og langdistanse. Denne gruppa er i dag i ferd meg å byggje seg opp att til å nå gamle høgder.

Dei siste 30 åra har BUL kanskje vore den klubben i Noreg som satsar mest på barn – og unge! Unni Helland har gjort ein fantastisk innsats her og ho og den tidlegare langdistansestjerna, Thor Helland, held framleis på som trenarar.

I tillegg er vi i ferd å byggje opp ei gruppe med utøvarar på eit svært høgt nivå. I 2010 i EM i Barcelona håpar vi på å få sjå minst 5 BUL-utøvarar i aksjon. Alle desse klarte kravet i 2009: Jays Ndure, Ezinne Okparaebo, Cathrine Larsåsen og Stine Kufaas, og mange fleire har gode mogelegheiter til å klare krava i 2010.

Dette er prioriterte område for IL i BUL:

• Barn og unge: meistring, glede, utvikling
• Jogging og løp: folk i form til Sentrumsløpet!
• Elitesatsing: ta vare på heile mennesket! BUL skal leggje til rette forhold som utdanning, kosthold, sosialt miljø osv slik at vi får utøvarar som trivast, oppnår dei målå dei har sette seg, brukar idretten til å hjelpe andre!

Vi kan tilby bedriftar:

• Personleg trenar med svært høg kompetanse
• Treningar til Sentrumsløpet
• Kostholdsretteiing
• Foredrag om trening, skader, kosthold, motivasjon og teambuilding
• Vi kan arrangere stemne, aktivitetsdagar ol. for barn og vaksne
• Kurs i bokmål og nynorsk