BUL, Bondeungdomslaget i Oslo, er eit ungdomslag med mange særlag. Barnelaget er eitt av dei. BUL er medlemsorganisasjon i Noregs Ungdomslag og Noregs Mållag, i tillegg til å vere største aksjonær i Det Norske Teatret. Gjennom Bøndenes Hus AS eig vi Rosenkrantz’ gate 8 og forretningane Hotell Bondeheimen, Kaffistova, Heimen Husflid og Husfliden. BUL arbeider for kulturelt mangfald og eit ope og inkluderande samfunn.

Barnelaget i BUL har eit variert tilbod for barn opp til 14 år som vil lære norsk folkedans.

• Er du spretten? Vi har hallingkurs!
• Vil du danse og syngje samtidig? Vi dansar songdans og songleik!
• Vil du danse i par eller med mange, fort eller sakte? Folkedans er variert!
• Eller vil du kombinere dans og teater? - Det gjer vi òg.

Bli med på alt, eller berre litt av tilbodet!