BUL fyller 125 år!

125-årsjuBULeum i 2024!

Dette vil me feira gjennom året med små og større arrangement – interne og eksterne.
Me håper du blir med og feirer! Du kan også melda deg som frivillig. (Sjå skjema)

28. februar: No BULdrar det laus | Kaffistova

Kl 18:00–20:00

Me sparkar i gong jubileumsåret med ei samling i kjellaren på Kaffistova. Her blir det prat med sentrale personar i BUL, info om jubileet, kviss, kaffi, kake og medlemsmingling.

10. april: Litteratur på BUL: Jacob Sande-kveld | Teatersalen

Kl 18:30–21:00

Arrangørar: Vikværingen, Samlagsrota, Den mangfaldige scenen, Bondeungdomslaget i Oslo og Jakob Sande – senter for forteljekunst.
I 1929 debuterte Jakob Sande med diktsamlinga «Svarte næter» i Teatersalen. I 2020 opna Jakob Sande – eit nasjonalt senter for forteljekunst. Me markerer 95–årsjubileet for debuten med forteljing, dikt og song.

27. april: Spring med BUL | Karl Johans gate

Heile BUL er velkommet til å bli med på Sentrumsløpet – og får 25 % rabatt! Har du litt vondt i lilletåa? Meld deg som frivillig på Sentrumsløpet!

16. juni: BUL på tur | Røkleivhytta

Kl 11-15 drar heile BUL på tur til Røkleivhytta. Det blir quiz med premie, nysteikte vaflar og leik for store og små. Kl 12:15 kan du også få med deg eit lite føredrag om hytta v/ Olaf Almenningen. Kan henda det blir song og dans også? Me set opp fellesvandring for dei som vil kl 10:45 og 11:45 frå Lillevann stasjon. Turen til hytta tar om lag 20 minutt. Les meir om hytta og framkomme på heimesida og sjå arrangementet på facebook.

17. august: BUL på tur | Bondehytta

Fellestur for alle medlemmar, med aktivitetar for store og små og nysteikte vaflar. Det tar rundt 1 time å gå til hytta frå Movatn stasjon.

13. september: Natt på BUL | Nynorskens hus

BUL opnar huset på Oslo kulturnatt, og skal fortelja historia til organisasjonen på 20 minutt.  Utøvarane vil få manus, regi og rettleiing. Her treng me frivillige til små og store oppgåver – alt etter kva som passar for deg. Meld deg på i skjemaet under, dette blir gøy!

I samband med Kulturnatt 13. september, skal BUL visa ei framsyning som tar føre seg BUL gjennom 125 år. Framsyninga er tenkt å vara rundt 30 minutt, og me set opp fire framsyningar ila kvelden.

Skodespelarane er frå BUL og DMS. Vil du vera med backstage og hjelpa? Då vil me gjerne høyra frå deg! Ta kontakt på [email protected]

12. oktober: Hurra for BUL | Nynorskens hus

BUL feirar seg sjølv med middag, kake og kulturelle innslag ein laurdagskveld i oktober. Dei påmelde betalar ein liten sum sjølve, BUL dekker resten av kalaset. Feiringa er berre for medlemmar.

11. desember: Graut med BUL | Nynorskens hus

Som kvart år, blir det også julegraut i jubileumsåret, men med litt ekstra stas i form av juleverkstad.

Frivillig BUL-jubileum

Me treng frivillige som kan bli med og arrangera jubileum! Kva kan du bidra med?

    Me tar kontakt med dei som melder seg for nærmare avtale.
  • Har du tankar om spesifikke ting du vil bidra med? Eller andre kommentarar til oss?