Dirigenten

Mari Tveito

Mari Eckhoff Tveito

Mari Eckhoff Tveito har vore dirigent sidan oktober 2017.

Mari er ein allsidig songar, dirigent og komponist, utdanna ved Rytmisk Musikkonservatorium i København. Tveito har turnert og gjeve ut plater både som soloartist og med ulike ensemble, mellom anna den Grammy-vinnande improvisasjons-vokalgruppa IKI. Ho har samarbeidd både med Bobby McFerrin, Dansk Radios Bigband og fleire av Danmarks mest framståande jazzmusikarar.

Tidlegare dirigentar

Liv Ulvik

Liv Ulvik

Den 1. januar 2017 vart Liv Ulvik fast tilsett som dirigent i Songlaget i Bondeungdomslaget i Oslo, etter eit halvt år som vikar hjå oss. Ho er utdanna kvedar på Noregs Musikkhøgskule, og er ein aktiv musikar med stadige oppdrag i heile landet.

Ho er kanskje mest kjend som ein av tre songarar i Eplemøya songlag, men ho har også sunge i lag med fleire kjende grupper, som Oslo kammerkor. Hausten 2017 gjev ho ut soloplata «Inn Vade» med eigenskrivne tekstar. Med sin inngåande kjennskap til folkemusikk og ein særleg teft for å finna fram vakre melodiar passar Liv svært godt som dirigent og musikalsk leiar for Songlaget, og me ser fram til mange fine songar, øvingar og til slutt konsertar saman med Liv!