Utleige
Midt i hjartet av byen, i Rosenkrantz’ gate 8, leiger Bondeungdomslaget i Oslo (BUL) ut Teatersalen og Lagsrommet i Nynorskens hus.
Nynorskens hus eignar seg svært godt til gjennomføring av små og store konsertar, teaterframsyningar og kunst- og kulturrelaterte arrangement. I tillegg har vi husteknikar som kan bistå i sette opp utstyr på førehand og svare på tekniske spørsmål. Han kan også bli leigd inn som arrangementsteknikar, til ekstra kostnad. Alt av teknisk hjelp i forkant av, eller under arrangementet, må vere avtalt minst ein månad før.
Teatersalen har lange tradisjonar som kulturhus i Oslo, m.a. var dette hovudscenen til Det Norske Teatret fram til 1947. Veggane i salen er i same farge som då Det Norske Teatret heldt til i salen (datert av NIKU – Norsk institutt for kulturminneforskning).
Lagsrommet er eit større møterom, som eignar seg godt til mindre konferansar/møte.
Leigetakarane må sjølve sette opp stolar og bord og rydde opp etter seg. Det same gjeld for bruk av plattingar. Vask er inkludert i prisen.
Totalt finst der 200 stolar tilgjengeleg for leigetakarar, fordelt på dei ulike romma.
Det er ikkje tillate med alkoholservering i lokala våre, eller å nyte alkohol i eller utanfor lokala.
Teatersalen
Salen har ei golvflate på om lag 230 m2 – Til konferanse: ca. 75 bord og 150 stolar – Til kinooppsett: 200 stolar
Teatersalen er utstyrt med full PA, lyd og lysmiksar og det meste av nødvendig teknisk utstyr som kan bli tilpassa dei fleste oppsettingar. Viss det er behov for ekstra utstyr eller teknikarar, gjer vi vårt beste for å fikse dette.
Inkludert i leiga er:– Projektor og lerret.– Enkel PA med to stk. Turbosound iq10, to trådlause mikrofonar og moglegheit for avspeling av musikk.
Stolar og bord, lerret og flygel er tilgjengeleg.
Totalt finst der 200 stolar tilgjengeleg for leigetakarar, fordelt på dei ulike romma.
Pris teknikar: Førebuing/opp- og nedrigg: 750,- per time. Avvikling av show/arrangement: 650,- per time (min. 6 timar). Fastpris dag 5.500,- (10 timar.) Hjelp til teknisk gjennomføring må bli avtalt i god tid før arrangementet, seinast ein månad før.
Ønsker du å leige lokale, fyller du ut skjemaet nedanfor.
Lagsrommet
Lagsrommet i BUL er på ca. 90 m2. Lagsrommet passar godt til mindre konferansar/møte. Rommet har balansert ventilasjon, god akustikk, Internett-tilgang, lerret i taket og videokanon. (Konferanse ca. 15 bord og 30 stolar/kino-oppsett ca. 40-50 stolar.)
Ønsker du å leige lokale, fyller du ut skjemaet nedanfor.
Tilgjengelegheit og pris
Bondeungdomslaget i Oslo er ein frivillig organisasjon, og utleige kjem i tillegg til aktivitetane våre. Det vil seie at vi har interne grupper som bruker romma på visse tidspunkt, medan vi opnar for utleige når vi ikkje bruker dei sjølv. I hovudsak leiger vi ikkje ut på kveldstid måndag-torsdag. Sjå kalender nedst på sida viss du lurer på om Teatersalen eller Lagsrommet er ledig på det tidspunktet du ønsker å leige.
Vi er opne for dei fleste arrangement, også lukka arrangement, så lenge de godtek leigevilkåra og driv aktivitet som passar med verdigrunnlaget til BUL.