BUL fyller 125 år!

125-årsjuBULeum i 2024!

Dette vil me feira gjennom året med små og større arrangement – interne og eksterne.
Me håper du blir med og feirer! Du kan også melda deg som frivillig. (Sjå skjema)

28. februar: No BULdrar det laus | Kaffistova

Kl 18:00–20:00

Me sparkar i gong jubileumsåret med ei samling i kjellaren på Kaffistova. Her blir det prat med sentrale personar i BUL, info om jubileet, kviss, kaffi, kake og medlemsmingling.

10. april: Litteratur på BUL: Jacob Sande-kveld | Teatersalen

Kl 18:30–21:00

27. april: Spring med BUL | Karl Johans gate

Heile BUL er velkommet til å bli med på Sentrumsløpet – og får 25 % rabatt! Har du litt vondt i lilletåa? Meld deg som frivillig på Sentrumsløpet!

16. juni: BUL på tur | Røkleivhytta

Fellestur for alle medlemmar, med aktivitetar for store og små og nysteikte vaflar. Det tar rundt 20 minutt å gå til hytta frå Lillevann stasjon.

17. august: BUL på tur | Bondehytta

Fellestur for alle medlemmar, med aktivitetar for store og små og nysteikte vaflar. Det tar rundt 1 time å gå til hytta frå Movatn stasjon.

13. september: Natt på BUL | Nynorskens hus

BUL opnar huset på Oslo kulturnatt. Medlemmar underheld besøkande på vandring gjennom huset. Utøvarane vil få manus, regi og rettleiing. Her treng me frivillige til små og store oppgåver – alt etter kva som passar for deg.

12. oktober: Hurra for BUL | Nynorskens hus

BUL feirar seg sjølv med middag, kake og kulturelle innslag ein laurdagskveld i oktober. Dei påmelde betalar ein liten sum sjølve, BUL dekker resten av kalaset. Feiringa er berre for medlemmar.

11. desember: Graut med BUL | Nynorskens hus

Som kvart år, blir det også julegraut i jubileumsåret, men med litt ekstra stas i form av juleverkstad.