Klubbrekord på 1500m

Det er ikkje kvar dag det blir sett nye klubbrekordar for seniorklassane i BUL, men laurdag 5. juli sprang Ibrahim Buras inn til ein knusande ny klubbrekord på 1500m under Czesław Cybulski Memorial i Polen! Tida vart 3.36,00, og Khalid Skah sin rekord på 3.38,10 frå 1992 er dermed sletta. Ibrahim persa med nesten 3 sekund, og legg seg inn som nr 6 på Norgesstatistikken gjennom alle tider, bak Jakob Ingebrigtsen, Narve Gilje Nordås, Filip og Henrik Ingebrigtsen, og Håkon Moe Berg. Me gratulerer!
3.36,00 var også kvalifiseringskravet til EM i Roma i 2024. Det blir derfor spennande å sjå om Ibrahim kan melda seg på i kampen om ein EM-plass inn mot den neste utgåva av meisterskapen, som blir arrangert i Birmingham i 2026.

.

BULs nye rekordhaldar på 1500m, Ibrahim Buras

Uttak til U23 EM og student-OL

I forbundets uttak til U23 EM er me glade for å ha med 3 av utøvarane våre:

  • Vetle Farbu-Solbakken, 1500 meter og 5000 meter
  • Abdullahi Dahir Rabi, 10000 meter
  • Sander Werge Nilsen, 4×100 meter stafett

Meisterskapen blir arrangert i Bergen 17-20. juli. Les meir her: https://www.friidrett.no/nyheter/2025/alt-du-trenger-a-vite-om-em-u23-i-bergen/

Til student-OL vart Andrea Engesæth teken ut på 3000m hinder og Vetle Solbakken på 5000m.

Utøvarar med krav til U20 EM

  1. juli tek forbundet også ut lag til U20 EM. Følgjande BUL-utøvarar har klart kravet til denne meisterskapen i løpet av utandørssesongen (krav i parentes):
  • Christopher Nordlie: 100m – 10,62 (10,62)
  • Christopher Nordlie: 200m – 21,53 (21,55)
  • Lilje Patey: 400m – 53,67 (55,50)
  • Tobias Gulbrandsen: 400m – 48,09 (48,15)

Utøvarar med NM-krav for første gong

Vi gratulerer følgjande utøvarar med å ha klart kravet til hovudmeisterskapen for første gong! (Krav i parentes)

  • Elijah Ramirez: 100m – 11,27 (11,30)
  • Elijah Ramirez: 200m – 22,70 (22,80)
  • Inger Russnes: 5000m – 17.57,19 (17.59,99)
  • Jonas Grüner-Mørck: 200m – 22,79 (22,80)
  • Tida Sanyang: 100m – 12,58 (12,80)
  • Tida Sanyang: 200m – 26,01 (26,20)
  • Zion Ramirez: 100m – 11,26 (11,30)

Hovudmeisterskapen blir arrangert på Askøy 1-3. august, og det ligg an til at BUL reiser med ein stor tropp.