Nye fjes på Lagskontoret
Sidan nyttår har det kome fleire nye fjes på Lagskontoret.
Ny organisasjonsrådgjevar i hovudlaget
Organisasjonsrådgjevar Maria Ellingsrud Austbø hadde sin siste arbeidsdag 30. april. 1. september byrja Marie Nicolaisen i stillinga. Marie har vore vikar for Kari Velure som dagleg leiar sidan 1. august 2025. Ho har også ei over 20 års bakgrunn frå BUL, både som aktiv medlem i Teaterlaget, ein liten tur innom Leikarringen og har også vore medlem av Lagsstyret, Rådet og Målnemda. Marie er frå Rauland i Telemark og er utdanna kulturhistorikar frå Universitet i Oslo, og har arbeidserfaring mellom anna frå studieadministrasjonen frå Universitet i Oslo og som museumsleiar i Musea i Sogn og Fjordane.
Ny arrangementsansvarlig i Idrottslaget og kommunikasjonsansvarleg for Sentrumløpet
Simen Wifstad hadde sin siste arbeidsdag i Idrottslaget 1. mars. 1. februar var Guro Åsberg på plass for å ta over som arrangementsansvarleg med ansvar for Sentrumsløpet og anna aktivitet. Guro er frå Grefsen i Oslo og har ein mastergrad i Samfunns-og idrettsvitskap frå NTNU i Trondheim. Ho har tidlegare erfaring frå idrettsarrangement som Ski VM i Trondheim 2025, Oslo Triatlon 2025 og har jobba med kundeservice i Oslo Maraton.
Edel Halle har frå hausten 2026 eit fast engasjement som kommunikasjonsansvarleg for Sentrumsløpet Edel er opphavleg frå Vestre Slidre i Valdres, men har ein solid bakgrunn i BUL. Frå 2022 har ho vore aktiv sprintar i klubben og også vore barne-og ungdomstrenar. Frå 2024 har ho også jobba med Sentrumsløpet, fyrst som praktikant og med kommunikasjon i 2025 og 2026.
Foreldrepermisjon og vikarar for sportleg leiar i Idrottslaget
Frå juni til november er sportsleg leiar Magnus Kringstad ute i foreldrepermisjon, og Edel Halle og Andrea Modin Engeseth er vikararar i perioden.
Andrea er frå Sandefjord og har vore medlem i Idrottslaget i fire år. Også ho driv med friidrett. Ho har ein bachelorgrad i sport management frå Norges idrettshøgskole og eit årsstudium i bærekraftig økonomi og ledelse frå NMBU. Ho jobbar elles med SoMe og styrer mellom anna instagrambrukaren @hun_satser i samarbeid med Norges friidrettsforbund for å fremme kvinnesatsing.
