I helga gjekk Norgesmeisterskapet i friidrett av stabelen i Kristiansand. Heile 22 utøvarar tok turen ned til det glade Sørland.
Klubben tok heim 1 gull og 1 bronse og mange gode prestasjonar!
100 meter – Kvinner
På startlistene hadde vi tre BUL-utøvarar: Thea Aase Pedersen, Solveig Bustgård Gran og Angelica Okparaebo.
Thea kjente ei lita føling i hamstringen som gjorde at ho ikkje ville ta ein risiko og måtte dessverre kasta inn handkleet under oppvarminga. Solveig og Angelica stilte i same heat i forsøket, kor begge tok seg vidare til semifinale med tidene 12,35 og 12,68. I semifinalen gjekk Solveig inn til 4. plass i heatet sitt på tida 12,33 og Angelica inn til 7. plass i heatet sitt på tida 12,91.
100 meter – Menn
4 mann i kvart sitt heat. Først ut var Jonathan Holen som blei nr. 5 i heatet sitt på tida 11,51. I neste heat følgde Sander Werge Nilsen opp med same plassering på tida 11,26. I heat 3 var Per-Tinius Fremstad-Waldron, som sprang inn på 2. plass på tida 10,89. Edem Schaaning Agbo i det siste heatet klinka til med siger i heatet sitt på tida 10,87. Vidare til semifinale gjekk Edem, Per-Tinius og Sandar.
I semifinalen sette Per-Tinius no personleg rekord. 10,69 og tok seg til ein finale. Edem og Sander løp i same heat og inn til høvesvis 3. plass (10,98) og 8.plass (11,34).
Per-Tinius gjekk inn til 5. plass i finalen på tida 10,75.
5000 meter – Menn
Det var ein haug med nye PB og SB under årets 5000 meter og det same gjaldt våre 3 utøvarar.
Filip Aleksander Meo gjekk inn til 4. plass i heatet sitt og inn til ny PB på tida 14,38,67. Karl Jørgen Russnes følgde på med ny PB på tida 14,59,31 og inn på 13. plass. Endre Wigaard gjekk inn til 15. plass og også han med ny PB på tida 15,15,96.
Stav – Kvinner
Lene Retzius følgde opp fjorårets gull og hoppa seg til ein ny gullmedalje. Lene byrja konkurransen på høgda 3,80 leikande lett og høgt over i første forsøk. Over også i første forsøk på 4,00, over på andre forsøk på 4,10. Ho sikra seg gullet og sette lista opp til høgda 4,25 og over på første forsøk. Ho bestemte seg då for å gå for meisterskapsrekorden på 4,35 kor ho var nære, men gullhøgda blei 4,25.
5000 meter – Kvinner
Delphine Cathrine Poirot stilte til start og gjekk in til 13. plass på tida 17,34,50.
400 meter – Kvinner
Sjølv med to løp på 100 meter tidlegare på dagen gjekk Solveig Bustgård Gran inn til siger i heatet og nya sitt PB på tida 56,20. Totalplassering blei 7. plass.
400 meter – Menn
Snorre Sliper Bonesmo opna sterkt på dei første 300 meterane, men stivna dessverre på oppløpet. Han kom inn på tida 50,61 og inn på ein 5. plass i heatet sitt. Totalplassering blei 12. plass.
1500 meter – Menn
Under dagens siste øvinga stilte Martin Mæle og Simon Steinshamn til start i kvart sitt heat. Martin gjekk inn til 10. plass på 4,04,12 og Simon inn til 4. plass på tida 3,54,01 og kvalifiserte seg til finalen.
I finalen gjekk Simon Steinshamn inn til 6. plass på tida 3,51,58.
200 meter – Menn
Sandar Werge Nilsen og Philip Jason Omollo gjekk begge inn til ein 5. plass i heata sine på tidene 23,30 og 23,32.
800 meter – Menn
Heile 4 mann til start i forsøket på 800 meter. Snorre Sliper Bonesmo viste at dei første 300 meterane ikkje var tilfeldig. Sprang inn til 3. plass i heatet sitt og tok seg vidare til finalen på tida 1,54,02. I neste heat hadde vi 2 BUL-utøvarar, Markus Einan og Leon Douglas. Begge tok seg vidare til finalen på tidene 1,52,40 og 1,53,07, noko som resulterte i 1. plass og 3. plass i heatet. I det siste heatet stilte Martin Mæle som sprang inn til 1,56,71 og 6. plass.
I finalen var 3 av 8 utøvarar frå BUL. Leon gjekk inn til 8. plass på tida 1,54,61. Snorre gjekk inn til ny PB på tida 1,52,95 og 7. plass. Markus sikra seg ein bronsemedalje på tida 1,48,96.
100 meter hekk – Kvinner
Elea Jørstad Bock stilte til start og sprang seg vidare til finalen med 2. plass i heatet sitt på tida 14,10. I finalen opna ho sterkt, men bomma litt på slutten og gjekk inn til ein 4. plass på tida 14,01.
10 000 meter – Menn
I heat 1 stilte Weldu Gebretsadik og Filip Aleksander Meo. Weldu gjekk inn til 15. plass og tida 30,52,36 og følte seg tung i kroppen. Filip var derimot lett i kroppen og gjekk inn til ny PB på tida 30,54,21 og 17. plass
I heat 2 stilte Endre Wigaard og Karl Jørgen Russnes. Endre gjekk inn til ein 10. plass på tida 31,5,42. Karl Jørgen hadde tunge bein og fullførte ikkje sitt løp.
1000 meter stafett – Menn
For BUL stilte følgande til start: Sander Werge Nilsen (100 meter), Philip Jason Omollo (200 meter), Leon Douglas (300 meter) og Markus Einan (400 meter). Det var jamt ei god stund i løpet, til slutt gjekk laget inn til ein 5. plass på tida 1,56,58.
Gratulerer til medaljevinnarane!
Takk til alle utøvarar og trenarar for ein god innsats i helga.
