Til minne om Wenche Blomberg (1943–2023)

Tidlegare styreleiar i BUL, Wenche Blomberg, gjekk bort 26. oktober 2023, 80 år gammal.

Ho var eit utprega organisasjonsmenneske, i tillegg til å vera forskar, kriminolog, forfattar og samfunnsdebattant. Ho var med og stifta Skogfinneforeningen i 2021, og sat som nestleiar der til hø døydde.

I BUL kom ho inn i styret som 3. vara i 2004, og allereie i 2007 blei ho leiar for organisasjonen. Wenche var uredd og direkte, med fleire ballar i lufta enn dei fleste.  Ho sat eigenhendig som redaktør for BUL-stikka i tillegg til å vera leiar. Wenche var engasjert, og tok ofte med seg BUL-fana på demonstrasjonar og markeringar. Ho ville effektivisera organisasjonen og opna opp mot omverda. Teatersalen skulle syda av liv!

Me takkar Wenche for det sterke engasjementet hennar i Bondeungdomslaget i Oslo.

Vår djupaste medkjensle og kondolansar går til familien og etterlatne.