Årsmøte i Leikarringen 2025

,

Styret kallar med dette inn til årsmøte i Leikarringen, tysdag 4. mars 2024 kl. 19:00. Det blir ikkje vanleg danseøving denne kvelden med unntak av BULder og brak som har øving som vanleg i Teatersalen. 

Stad: Lagsrommet (same inngang frå gata som til Teatersalen), Rosenkrantz» gate 8. 

Styret oppmodar medlemmene om å komme på årsmøtet! Ikkje-medlemmer som er interesserte er hjarteleg velkomne, men har ikkje røysterett. 

Det er på årsmøtet me bestemmer kva Leikarringen skal drive med i året som kjem, og korleis me skal jobbe. Under saka om Arbeidsplan 2025 blir det lagt opp til ei større innspelsrunde, og me ønskjer innspel på både team for øvingane, kor me skal reise på turar, kva ambisjonsnivå me skal legge oss på m.m. 

Etter møtet blir det dans i Teatersalen, og det går rykte om sveler.

Vel møtt! 

Sakliste:

  1. Opning av møtet
  2. Årsmeldingar
  3. Rekneskap og balanse 2024
  4. Arbeidsplan 2025
  5. Medlemspengar 2026
  6. Budsjett 2025
  7. Val

Årsmøtepapir:

Under finn du dokumenta til årsmøtet 2024. Om du har merknader til årsmeldinga eller andre deler av sakspapira ber vi deg sende endringane på e-post til: [email protected].